|
|
|
|
«Кітаптардың Е-көшірмелері» бөлімі туралы
|
  
|
|
|
«Кітаптардың е-көшірмесі» тарауына үш
келесідей каталог енеді:
«Мәдени мұра», «Қазақстандық», «Қазақстан
кітапханаларының сирек басылымдары».
«Мәдени
мұра»
каталогы ұлттың құнды материалдарын
сақтандыру арқылы электронды қор құрастыру мақсатымен құрылды және «Мәдени
мұра» бағдарламасы бойынша басылған кітаптардың электронды көшірмесінің толық
дереккөзі болып саналады. 2009 жылдың
маусым айына қарай мұнда цифрланған 360 кітап орналастырылды, соның ішінде
тарих, археология, этнография туралы бірегей сериялар, мемлекеттік тілдегі жазбалар
мен ұлттық әдебиеттің ең үздік үлгілері, сондай-ақ жаңа энциклопедиялық
сөздіктер бар. 2004-2008 жылдар аралығында Мемлекеттік бағдарламаның өткен екі
кезеңі ішінде түрлі атаудағы барлығы 350 аса кітап басылып шықты.
«Қазақстан
кітапханаларының сирек басылымдары» каталогы да танымдық жағынан өте қызықты, одан
оқырмандар араб және орыс тілдеріндегі жалпы мәдени және ғылыми маңызы бар
деректер (19 ғасырдан 1940 жылға дейінгі) таба алады. Каталогты құрастыруда
еліміздің ірі кітапханалары, облыстар мен жоғары оқу орындарындағы кітапханалар
көп көмек көрсетті. Аса құнды даналарды цифрлауда алғашқылардың бірі болып
Алматыдағы ҚР Ұлттық кітапханасы, Л. Гумилев атындағы Еуразия Ұлттық
университетіне қарасты «Отырар кітапханасы» Ғылыми орталығы, Қостанай,
Қарағанды, Атырау, Батыс Қазақстан, Қызылорда және Павлодар облыстарының
кітапханалары берді. Кітаптардың тақырыптары да әр түрлі - өлкелер тарихы,
ислам, мәдениет, әдебиет және тіл білімі, жануарлар және өсімдіктер әлемі,
гидрогеология, балық аулау кәсібі, мал шаруашылығы, егін шаруашылығы және т. б..
Өткен дәуірдің кітаптарын цифрлы форматқа ауыстыра отырып, кітапханашылар оларды
жаңартып, екінші дем бергендей болды. Енді бұл кітаптарды баршаның пайдалануына
мүмкіндік туды және бұлар Қазақстан тарихының үлкен бір бөлігі болып саналады.
Оқырмандар арасында «Қазақстандық» каталогы үлкен сұраныс
туғызуда. Қазақстан туралы кітаптардың е-көшірмесі елдің қоғамдық, саяси,
экономикалық және мәдени өмірін қамтиды. Осы кітаптарды цифрлауға елдің
кітапханалары мүдделі болды. Каталогты құрастыруға өз шығармаларын цифрлы
кітапханаға орналастыру үшін еліміздің белгілі жазушылары, қоғам қайраткерлері,
ғалымдар белсене атсалысты.
Электронды каталогтағы «Кітаптардың е-көшірмесін»
іздестіру бірнеше критерийлер бойынша жүзеге асады («Каталогтан қалай іздейміз»
тарауын қараңыз). Іздестіру нәтижесінде кітаптардың нақты көшірмесіне қарай
библиографиялық бейнелеулер түріндегі тізім келіп шығады. Тізімнен өзіңізді
қызықтырған жарияланымды тапқаннан кейін, сіз библиографиялық бейнелеулерді, кітаптың әрбір бетін парақтап
қарауға немесе кітаптың бір тарауын танысу үшін көшіріп алуға мүмкіндік аласыз.
Құқықтық шектеу қойылмаған басылымды толық көшіріп алуға болады. Ал басқа
басылымдар көшірілмейді, тек көру үшін ғана жарияланады, олардың кейбір
тарауларымен танысу үшін оған электронды пошта бойынша тапсырыс беру керек.
ҚазҰЭК сатандарттарына сәйкес кітаптар көшірмелеріне портал пайдаланушыларынан
мына мекен-жай бойынша kazneb@kazneb.kz тапсырыс қабылданады.
|
|
|
|
|
|
| |
|
