|
|
|
|
Электронды каталогтардан қалай іздеуге болады
|
  
|
|
|
Электронды каталогтан қалай іздестіреміз
Пайдаланушыларымыз көптеген каталогтарға ие:
«Кітаптардың Е-көшірмелері» бөліміндегі каталогтар:- «Қазақстандық» - Қазақстан кітапханаларының қорындағы кітаптар
- «Сирек кітаптар» (19 ғасырдан – 1940 жылдарға дейін)
- «Мәдени мұра» - баспалар тарапынан ұсынылған 2004-2008 жылдар аралығындағы «Мәдени мұра» мемлекеттік бағдарламасы аясында жарық көрген кітаптар.
Осы бөлімде кітаптардың е-көшірмелерінің мәтінін толығымен қарауға болады, олардың бірқатары pdf форматында немесе кітаптың үзіндісі түрінде көшіріледі.
«ҚРҰАК каталогтары» бөлімінде:- «Кітаптар»
- «Медиатека»
- «Мұнай және газ»
- «Шет тіліндегі әдебиеттер»
Аталған каталогта Астана қаласындағы ҚР Ұлттық академиялық кітапханасының (ҚРҰАК) қорындағы кітаптардың библиографиялық сипаттамалары ұсынылған. Каталогтар ҚРҰАК оқу залдарына кітаптарға, қажетті кітап үзінділерінің е-көшірмелеріне тапсырыс жасауға мүмкіндік береді. Бұл қызмет түрлеріне қолжеткізетіндер – ҚРҰАК тұрақты оқырман нөмірі бар пайдаланушылар. Нөмірді келесі мекен-жай бойынша алуға болады Registr@nabrk.kz
Каталогтан әдебиеттер іздестіру үшін кітаптарға жай және жан-жақты іздестіру, барлық критерийлері бойынша іздестіру, толық мәтінді іздестіру жүргізуге мүмкіндік беретін іздестіру жүйесі ұсынылады.
Қарапайым іздестіру кезінде ұсынылған критерийлердің бірін (авторы, шығарманың атауы, кілтті сөздер және т.б.) және жазба түрін (электронды нұсқасы бар не электронды нұсқасы жоқ кітаптар, жазбалардың барлығын бір мезгілде) таңдау қажет. Өзіңізге барынша ыңғайлы деген іздестіру критерийін таңдап, көрсетілген торға мәтінді енгізіңіз де «Табу» түймесіне басыңыз.
Кеңінен іздестіру функциясы сұраныс жасалған әдебиеттердің нақты критерийлерін ескере отырып, іздестіру жүргізуге мүмкіндік береді. Қарапайым іздестіруден ерекшелігі мұнда сіз авторын, шығарма атауын, кілтті сөздерді бір мезгілде көрсете аласыз. Бұдан бөлек, кеңейтілген іздестіру функциясына басылымның шыққан жылы критерийі де енгізілген. Авторы мен шығарма атауы критерийіне «Осы сөзден бастап іздестіру» және «Осы сөзді қоса іздестіру» тәрізді нақты бөлімдер енгізілген. Мәселен, сіз кітапты іздейсіз, бірақ оның толық атауы есіңізде жоқ, сондай жағдайда сіз «осы сөзді қоса іздестіру» нүктесін таңдайсыз. Егер сіз кітаптың толық атауын білетін болсаңыз, онда «осы сөзден бастап іздестіру» дегенін таңдайсыз.
Кілтті сөздер бойынша іздестіру сіздің іздестіру нәтижелерін кеңейтуіңізге мүмкіндік береді.
Бірнеше критерийлерді бір мезгілде пайдалану сұраныс нәтижесін тарылтады, бірақ бұл ретте сіз нақты бір кітапты іздесеңіз, оның құндылығы айқындалады.
Сіз ISBN нөмірі (кітаптың халықаралық стандарттық нөмірі), басылымның шыққан жері мен жылы, сондай-ақ кітапты шығарған баспа бойынша іздестіру жүргізе аласыз. Негізгі мәтіннің тілін таңдай отырып, іздестіру параметрлерін тарылтуға да болады. Іздестіру параметрлерін енгізген соң «Табу» нүктесіне басыңыз.
Егер сіз өзгертіп не жаңадан іздестіру жүргізуді жүзеге асырғыңыз келсе, «Тазарту» нүктесін басыңыз.
Барлық критерийлер бойынша іздестіру «Осы сөзден бастап іздестіру» және «Осы сөзді қоса іздестіру» деген нақтылау функциялары арқылы бір торға сөз енгізуді қажет етеді.
«Толық мәтінді іздестіру» торына сөз енгізу нәтижесінде тапсырылған сөз кездесетін бейнелеулері бар әдебиеттер тізімі пайда болады.
Енгізілген мәліметтер өңделгеннен кейін сіздің сұранысыңыздың шарттары библиографиялық бейнелеулер арқылы іздестіру нәтижесінде пайда болады. Сіз өзіңіздің сұранысыңызға сәйкес табылған библиографиялық жазбалар мөлшерін көресіз. Өзіңізге қызықты мақалалар тізімін таңдап, оның толық сипаттамасын қарап, егер тізімде бар болса кітапты толығымен көру үшін (кітап көшірмесін) немесе онымен танысу үшін кітап үзіндісін көшіртіп ала аласыз.
Пайдалы кеңестер:- Іздестіру кезіндегі сұранысыңыз тым ұзақ сөздерден болмасын.
- Егер Сіз ештеңе таппасаңыз, мүмкін, ұзақ сөзді сұраныс жасалған болар. Мәнді сөздер қатарын қысқартып көріңіз.
- Сұранысыңыздың орфографиялық дұрыстығын тексеріңіз.
Егер Сіздің сұранысыңыз бойынша ешқандай нәтиже болмаса, онда, сұранысыңызда бір не бірнеше сөз қате жазылған болуы мүмкін. Енгізілген сөздердің барлығын тағы бір тексеріңіз. Егер сөздер дұрыс жазылған болса, сұранысыңызды қайта тұжырымдап көріңіз.
|
|
|
|
|
|
| |
|
